أجمل تعليقات عن البرد علي الفيس بوك

فجرت موجة البرد الأخيرة ( 2011 ) موجة من الفكاهة على صفحات التواصل الإجتماعى تويتر والفيس بوك ، حملت بداخلها جزء كبير من النقد السياسى اللاذع الذى يتمتع به المصريون ، وكانت معظم التعليقات مرتبطة بشكل أو بآخر بثورة يناير وتطور الأوضاع السياسية والإجتماعية فى مصر ، ومن أبرز هذه التعليقات :

 رساله الى الأمن المركزى
من دلوقتى اهو
تحذير
.
.
مسيل للدموع ماشي
خرطوش مايضرش
عصيان وهراوات اشطه
رصاص حى ومطاطي شغال
لكن هترشو ميه فى الجو ده
وربنا هنتغابا عليكم .

 *  البرد ده هيخلينا نفكر ألف مرة قبل ما نصدر بطاطين للكونغو .

*  درجة الحرارة في نيويورك 6 و في اسكندرية 7 الف مبروووووووووووووك يا اسكندرانية .. قربنا نوصل للعالميه

* هل نحتاج الى دليل جديد على كذب المجلس العسكرى قالوا البلد حتولع واهى تلجت

 * مطالب ثورة 25 يناير 2012 عيش ..حريه..دفايه كهربائيه

 * يا جماعة اللي معاه ريموت التكييف ... يبطل هزار !! الناس اتجمدت !!!!!!

* قمة الحسره في البرد ده

 لما تيجي تنام تعبان تحضر كاس ميه جمبك والتلفون والشاحن وترمي نفسك عالسرير وتتغطى كويس وبعدها تكتشف انك نسيت تطفي النور  .

* اناطلعت الهدوم الصيفي خلاص الشتوي مش مكفي

* جو مكسيكي لـ درجة إنّو أمي لمّا شافتني قالت '' روبيرتو ديل فريغو غوارو انطونيو ''  يعني " فوت يمّا بلاش يصفقك البرد "

 * وانـا من الـبداية يا ساقـعة بـاتـحمل وخلاص كفاية صوابـعي بـتـنمل

 * ﻃﺎﻟﻤﺎ ﻣﺼﺮ ﻋﻤﻠﺖ ﺗﻠﺞ ﻳﺒﻘﻰ ﻧﺘﺼﻞ ﺑﺎﻟﺘﻮﻛﻴﻞ ﻳﻴﺠﻲ ﻳﺸﻮﻓﻬﺎ .. ﺍﺣﻨﺎ ﻭﺍﺧﺪﻳﻨﻬﺎ ﻋﻠﻰ ﺍﻧﻬﺎ ﻧﻮﻓﺮﻭﺳﺖ ﻻ ﻣﺆﺍﺧﺬﺓ .

* من النهارده مفيش مشكله في فض الإعتصامات . . . مجرد رش كوبايه ميه علي كل متظاهر في أم التلج ده .

* الجو بيستهبل فاكر نفسه في اوروبا... حد يقوله يعيش عيشة اهله !!!!!

* في هذه الظروف الساقعة التي تمر بها البلاد .. قرّر نسر العلم تخلّيه عن منصبه، وكلّف طائر البطريق بإدارة شئون العلم والله الموفق .

* قمة الحسره في البرد ده ، لما تيجي تنام تعبان تحضر كاس ميه جمبك والتلفون والشاحن وترمي نفسك عالسرير وتتغطى كويس وبعدها تكتشف إنك نسيت تطفي النور .

* هل نحتاج الى دليل جديد على كذب المجلس العسكرى قالوا البلد حتولع واهى تلجت .

* نظرا للظروف الساقعه دي لو لم أكن مصريا لوددت أن أكون دبا قطبيا .

Read 6128 times