wrapper

أحدث الموضوعات

أكنسى عنك غبارك . . . وافضحى الخاين لدارك

غربلى فينا الرجوله . . . وامسحى بالدم عارك

بكره راح ناخد بتارك

مهما كان صوتهم بيعلى . . . لسه صوت الحق أعلى

والتاريخ يشهد بإنك . . . درته وتاجه وشرفنا

 مهما كان يا مصر لسه . . . نخوة الحر ف ترابك

واللى دمه سال فى محنه . . . لاجل ما يطلع نهارك

دمه مش حايضيع هدر

يا شباب مصر الأبية . . . ياللى فى ربوعها البهية

وحدوا الصف وتعالوا . . . واعلوا فوق قلنا وقالوا

لاجل ما تعلى بإيدينا . . . ثورة حاتضيع من إيدينا

كلنا فى مصر واحد . . . حلمنا والهم واحد

واللى حايفرقنا واحد . . . كل مصلحته ف خرابك

لاجل ما ينهب ترابك . . . وف تشرذمنا النهاية

لملمى يا مصر توبك . . . غطى أوجاعنا وعيوبك

ضمى تحت الراية شيبتى . . . وامسحى فى دموع مصيبتى

واطلعى يا مصر تانى . . . واطرحى زهر وأغانى

طول ما إيد الحر فيكى . . . ماسكة فى توبك وفيكى

طول ما كان اسمك شعارى . . . قبل حزبى وقبل دارى

بكره راح يطلع نهارى . . . وازرعك لولادى تانى

ضله طارحلهم أمانى

أكنسى عنك غبارك . . . وافضحى الخاين لدارك

غربلى فينا الرجوله . . . وامسحى بالدم عارك

بكره راح ناخد بتارك

المخرج / نزار مغاورى